කරවිල සමග කරව්ල ඇට
මෙරට වාර්ෂිකව 25000 ක පමණ පිරිසක් පිළිකාවට ගොදුරු වනවා. ඉන් වැඩි කොටස පිරිමින් බවයි .
දුම්වැටි හා මත් ද්‍රව්‍ය භාවිතය ඊට එක් හේතුවක්.
එසේ ම අයහපත් ආහාර පුරුදු , අධික තරබාරු බව , ප්‍රමාණවත් ව්‍යායාම නැතිකම, ආදිය ඊට බලපාන අනෙක් ප්‍රධාන හේතු බව හඳුනාගෙන තියෙනවා.
පිළිකා ඇතිකළ හැකි සෛල හැම සිරුරකම පවතිනවා . එම සෛලවල ක්‍රියාකාරිත්වය වලක්වා ලීමට හැකි ගුණ කරවිල ඇට සතුව ඇති බව මෑතක සොයා ගැනුණා.
සාමාන්‍ය මේද අම්ලවලට වඩා අසාමාන්‍ය වූ ඉතා ක්‍රියාශීලී මේද අම්ලයක් වන conjugated trienoic fatty acid කරවිල ඇට වල අඩංගුයි. මෙය පිළිකා නාශකයක් ලෙස යොදාගන්නට හැකි බව සොයාගත් කංඩායම මීයන් යොදාගෙන ඒ බව තහවුරු කරගත්තා. එක් බෙහෙත් කරලකට කරවිල ඇට නවයක් දහයක් පමණ අවශ්‍යවන අතර ඒ සඳහා යොදාගත යුත්තේ කෘමිනාශක
නො යෙදූ ඒවායි.
එබඳු කරවිල ඇට නිවසේදී ආහාරයට ගැනීමෙන් ද එම අගනා මේද අම්ලය සිරුරට ලබාගත හැකි බව සඳහන්. කරවිල ඇටවල ඇති ෆැටී අම්ලය , අධික උෂ්ණත්වයකදී පවා විනාශ නොවන හෙයින් ඒවා බැද කුඩුකර ආහාරයට ගත හැකි බවත්, එමගින් එම අම්ලය සිරුරට ලබාගත හැකි.
එමගින් ඇටත් සමග අමු කරවිල සලාදය සකසා ගැන්මෙන්, වෑංජනයට පිස ගැනීමෙන් , එසේ ම මේරූ ඇට බැද කුඩුකර ආහාරයට යොදා ගැන්මෙන්, දියවැඩියාවට මෙන් ම පිළිකාවටත් වැට බැඳ ගත හැකියි.
Comments
Post a Comment